Qusar rayonunda qida məhsullarının istehsalı sahəsində layihə icra olunacaq. Bu barədə ShimalNews 5 fevral tarixində məlumat verir.
“Bakı KOB Evi”ndə “VVE GROVV” MMC-yə investisiya təşviqi sənədləri təqdim edilib. Həmin şirkət “Meyvə şirəsinin hazırlanması və qablaşdırılması” ilə məşğul olacaq. Bu isə öz növbəsində yeni iş yerlərinin açılması deməkdir.
İnvestisiya təşviqi sənədi hüquqi şəxslərə və fərdi sahibkarlara Azərbaycan Respublikasının Vergi Məcəlləsində və “Gömrük tarifi haqqında” Qanunda müəyyən edilmiş güzəştləri əldə etməyə əsas verən sənəddir. Bu, sahibkarları 7 il müdətində mənfəət və gəlirin yarısını vergidən, əmlak və torpaq vergisindən, həmçinin idxal etdikləri texnika, texnoloji avadanlıq və qurğuların idxalı üçün ƏDV-dən və gömrük rüsumundan azad edir.
