Qusar rayonunun meyvə bağlarından cari ilin 1 noyabr tarixinədək 61.368,5 ton məhsul yığılıb.
İcra Hakimiyyətinin məlumatına görə, rayon üzrə intensiv bağçılığa maraq artıb. 2020-ci ildən bu yana rayonda 4706 ha bağ sahəsi salınıb. Bu il salınan 880 ha bağ sahələri intensiv və superintensiv tiplidir.
Cari ildə ötən ilin eyni dövrü ilə müqayisədə 12.343,5 ton çox meyvə yığılıb. Bu göstərici superintensiv bağlarda məhsuldarlığın xeyli artıq olması hesabına mümkün olub. Onların dərmanlanması və suvarılması prosesi daha rahat, məhsulun keyfiyyəti isə yüksəkdir.
Hazırda Qusar rayonunda 13.600 ha meyvə bağı mövcuddur. Onlardan 8000 ha-dan çoxu intensiv tipli bağ sahələridir. Rayon ərazisində 11 istifadədə olan və 1 tikilməkdə olan (3000 tonluq) soyuducu anbar var.
Soyuducu anbarların ümumi tutumu isə 47,4 min ton təşkil edir. Təsərrüfatlar tərəfindən həmin soyuducu anbarların tutum imkanlarının genişləndirilməsi planlaşdırılır.
