Qusarda müasir tipli intensiv və superintensiv bağlar salınır. “İsmikhanlı” Məhdud Məsuliyyətli Cəmiyyətinin (MMC) bağçılıq və soyuducu anbar kompleksi də belə təsərrüfatlardan biridir.
AZƏRTAC-ın məlumata görə, son illər müasir bağlarının sahəsi artırılaraq, 14 min 611 hektara çatıb.
MMC-nin baş direktoru Nəcəf Cəfərli bildirib ki, hazırda 230 hektar sahədə alma, 35 hektarda armud, 26 hektarda şaftalı, 21 hektarda nektarin, 18 hektarda isə gilas becərilir.
Məhsulların 40-45 faizi Azərbaycanda satılır. Qalan hissəsi isə xaricə - Rusiyaya, Qətər və Birləşmiş Ərəb Əmirliklərinə ixrac olunur. Gələcəkdə ixracda digər Körfəz ölkələrinin və alternativ bazarların payını artırmağı hədəflənib.
Xatırladaq ki, Prezident İlham Əliyev aprelin 30-da cəmiyyətin bağçılıq və soyuducu anbar kompleksi ilə tanış olub.
