Quba Suvarma Sistemləri İdarəsi kanallarda təmir və quruculuq işlərinin aparılması üçün açıq tender elan edib. Bu barədə ShimalNews 21 iyul tarixində Antiinhisar və İstehlak Bazarına Nəzarət Dövlət Xidmətinə istinadən məlumat verir.
Tender torpaq məcralı "Xurel arx", "Davudoba arxı", "Pirvahid" kanallarının beton üzlüyə alınması və üzərindəki qurğularla birlikdə təmiri üzrə aparılacaq. Eləcə də Qudyalçayın sol sahilində yerləşən bağ və əkin sahələrini mühafizə edən daş-beton bəndinin təmiri üzrə layihə-smeta sənədlərinin hazırlanması nəzərdə tutulub.
Tələb olunan sənədlərin təqdim edilməsinin son tarixi avqustun 8-i saat 14:00-a kimidir. İştirak üçün ödəniləcək məbləğ 150 manat təşkil edir.
Telefon: +994 70 200 72 71 (Samir Məmmədhüseynov)
İmeyl: [email protected]
