Payızlıq əkinlərin sığortalanmasına görə müraciətlərin artması ilə bağlı Qubanın mərkəzində Aqrar Sığorta Fondunun filialı fəaliyyətə başlayıb. Bu barədə ShimalNews 9 dekabr tarixində Kənd Təsərrüfatı Nazirliyinə istinadən məlumat verir.
Quba-Xaçmaz iqtisadi rayonuna daxil olan Şabran, Xaçmaz, Quba, Qusar və Siyəzən rayonlarının fermerləri xidmətdən yararlana bilərlər.
Filialın açılış mərasimində çıxış edən fondun idarə heyətinin üzvü Roman Əmircanov bildirib ki, aqrar sığorta ölkənin bütün bölgələrində istehsal, həcminin təxminən 95%-ni əhatə edib. Bitkiçilik, heyvandarlıq və akvakultura sahəsində çalışan bütün fermerlər bu sistemin xidmətlərindən istifadə edə bilərlər.
İlin sonuna qədər təkcə bitkiçilik üzrə fermerlərə zərər ödənişlərinin 3 milyon manata çatacağı gözlənilir.
Daha öncə payızlıq əkinlərin bəyanının dekabrın 30-dək davam edəcəyi haqda məlumat vermişdik.
