Quba-Xaçmaz iqtisadi rayonunda fəaliyyət göstərən sahibkarlara maliyyə resurslarına çıxış, bu sahədə mövcud dövlət dəstəyi mexanizmləri barədə məlumat verilib. Bu barədə ShimalNews 1 mart tarixində məlumat verir.
“Regional tərəfdaşların inkişafı” layihəsi çərçivəsində bu gün "Xaçmaz KOB evi"ndə Kiçik və Orta Biznesin İnkişafı Agentliyinin (KOBİA) və "Marsol Group"un təşkilatçılığı ilə tədbir keçirilib. Burada 200-dən çox şimal bölgəsindən olan sahibkar, Bakıdan qonaqlar, həmçinin müvafiq dövlət qurumlarının nümayəndələri iştirak ediblər.
Sahibkarlara göstərilən dəstək və xidmətlər, o cümlədən dövlətin güzəştli kreditləri, subsidiyalar, biznesin maliyyələşdirilməsi sahəsində yeniliklər, alternativ maliyyələşdirmə alətləri, özünüməşğulluq proqramının sahibkarlığa başlanılmasında rolu, eyni zamanda kənd təsərrüfatı məhsullarının istehsalı və emalı, istehsalçılara zəruri xidmətlərin göstərilməsi barədə məlumat verilib.
