2024-cü ilin doqquz ayı ərzində ölkədə 69,6 min yeni iş yeri açılıb.
Shimal.News xəbər verir ki, bu dövrdə yaradılmış iş yerlərinin 92,8 %-i qeyri-dövlət sektorunda açılıb.
Yeni açılmış iş yerlərinin 77,4 %-i Bakı şəhərinin, 2,3 %-i Naxçıvan Muxtar Respublikasının, 20,3 %-i digər regionların, o cümlədən 4,3 %-i Abşeron-Xızı, 2,7 %-i Quba-Xaçmaz, 2,5 %-i Gəncə-Daşkəsən, 2 %-i Lənkəran-Astara, 1,9 %-i Şirvan-Salyan, 1,7 %-i Qarabağ, 1,3 %-i Qazax-Tovuz, 1,2 %-i Şəki-Zaqatala, 1 %-i Şərqi Zəngəzur, 0,9 %-i Mərkəzi Aran, 0,5 %-i Mil-Muğan, 0,3 %-i isə Dağlıq Şirvan iqtisadi rayonlarının payına düşüb.
Yeni açılmış iş yerlərinin 11,9 %-i yeni yaradılmış müəssisə və təşkilatlarda, 87,1 %-i mövcud müəssisə və təşkilatlarda, 0,3 %-i fəaliyyətini bərpa etmiş müəssisə və təşkilatlarda, 0,7 %-i isə digər tədbirlər üzrə yaradılıb.
Hüquqi şəxslər tərəfindən yaradılmış iş yerlərinin 25,9 %-i tikinti, 17,7 %-i ticarət; nəqliyyat vasitələrinin təmiri, 9,3 %-i emal sənayesi, 8, %-i turistlərin yerləşdirilməsi və ictimai iaşə, 6,9 %-i peşə, elmi və texniki fəaliyyət, 6,6 %-i nəqliyyat və anbar təsərrüfatı, 4,0 %-i inzibati və yardımçı xidmətlərin göstərilməsi, 3,8 %-i təhsil, 3,5 %-i kənd təsərrüfatı, meşə təsərrüfatı və balıqçılıq, 3,3 %-i əhaliyə səhiyyə və sosial xidmətlərin göstərilməsi, 2,4 %-i informasiya və rabitə, 8,6 %-i isə digər iqtisadi fəaliyyət növləri üzrə açılıb.
