Quba rayonunda fəaliyyət göstərən sahibkarların və gənclərin elektron ticarət biliklərinin artırılması məqsədilə görüş təşkil olunacaq. Bu barədə ShimalNews 30 may tarixində məlumat verir.
Tədbir 03.06.2024-cü il saat 12:00-da Azərbaycan Dövlət Pedaqoji Universitetinin Quba rayon filialında İcra Hakimiyyətinin dəstəyi ilə baş tutacaq.
İştirakçılar İqtisadi İslahatların Təhlili və Kommunikasiya Mərkəzinin operatoru olduğu Azexport portalının iş prinsipi və xarici bazarlara çıxış üçün imkanlar barədə məlumatlara yiyələnəcəklər.
Görüşdə, o cümlədən "Amazon", "eBay", "Alibaba" kimi beynəlxalq elektron ticarət platformalarında məhsul yerləşdirmə imkanları, həmçinin "Payoneer" beynəlxalq ödəniş sistemindən istifadəyə dair praktik nümunələr üzərindən zəruri məlumatlar təqdim olunacaq.
