Alması ilə məşhur olan Qubada artıq məhsul yığımı başa çatıb.
Baku TV-nin məlumatına görə, məhsuldarlıq bu il fermerləri qane etsə də, onlar bir sıra çətinliklərlə üzləşdiklərini deyirlər.
Təsərrüfat sahiblərinin sözlərinə görə, məhsuldan əldə etdikləri qazanc onun üçün çəkdikləri əziyyətə dəymir:
“Keyfiyyətli məhsul yetişdirmişəm. Amma qoyduğum xərci qarşılaya bilmirəm. Almanın bir kilosunun qiyməti 50-60 qəpik arasında dəyişir. Bu da məni qane etmir”, – deyə fermer narazılıq bildirib.
Hər hektara görə 3-4 min manat ziyana düşdüyünü deyən başqa bir fermer isə qeyd edib ki, məhsulu satmaq onu yetişdirməkdən çətindir.
