Quba rayonunda taxıl biçini işləri davam edir. Bu barədə ShimalNews 21 iyul tarixində Dünya TV-yə istinadən məlumat verir.
Digər bölgələr ilə müqayisədə burada biçin işləri gec başlasa da, taxıl zəmilərində işlər artıq yekunlaşmaq üzrədir. Quba Dövlət Aqrar İnkişaf Mərkəzinin (DAİM) bitkiçilik sektorunun müdiri Tanrıverdi İsmayılovun sözlərinə görə, bu il daha çox məhsul əldə etmək mümkün olub. “Sahələrin 70-75% cəmiyyət sahələridir. Bu baxımdan əsas məhsuldarlıq hava şəraitinin yağmurlu olmasından asılıdır”, - deyə İsmayılov bildirib. O, göstəricilərin yüksək olmasında xarici ölkələrdən alınan toxumlar və innovativ texnologiyaların istifadəsində də böyük rol olduğunu vurğulayıb. Son 10 ildə ən yüksək məhsuldarlıq arpada 26.6, buğdada isə 31.6 sentner təşkil edib.
