Qax rayonunun təsərrüfatlarında arpa biçininə başlanılıb.
Shimal.News xəbər verir ki, cari mövsümdə rayonda 13 min 727 ha taxıl sahəsinin məhsulunun biçilməsi nəzərdə tutulur. Onlardan 8 min 609 ha-nı buğda, 5 min 118 ha-nı arpa sahələri təşkil edir.
Rayonun Ağyazı, Almalı, Əlibəyli, Zəyəm, Qorağan və digər kəndlərin ərazilərindəki təsərrüfatlarda ilk günlərdə 2148 ha sahənin arpası biçilib, 7204 ton məhsul tədarük olunub. Hazırda hər ha-dan orta məhsuldarlıq 33,5 sentner təşkil edir.
