Qəbələ rayonunda hotel və motellərin 2025-ci ilin ilk üç rübündə gəliri 30.36 mln. manat, xərcləri 28.76 mln. manat olub.
Banker.az-ın məlumatına görə, Qəbələdki mehmanxanaların gəlirləri 1% artarkən, xərcləri 13% artıb.
Ölkənin ən çox turist ziyarətçisi olan ikinci rayonundakı hotellərin ümumi mənfəəti 1.60 mln. manat təşkil edib. Halbuki, 2024-cü ildə onların 4.55 mln. manat idi.
Həmin dövrdə mehmanxanalarda yerləşdirilmiş şəxslərin sayı 2025-ci ildə 71.884 nəfər olub.
Onlardan 34.593 nəfəri Azərbaycan vətəndaşı, 37.291 nəfəri isə əcnəbilər və vətəndaşlığı olmayan şəxslərdir.
2024-cü ildə yerləşdirilmiş şəxslərin sayı 81.231 nəfər olub ki, bunun 30.437 nəfəri yerli vətəndaşlar, 50.794 nəfəri isə əcnəbilər və vətəndaşlığı olmayan şəxslər olub.
