Azərbaycan İnvestisiya Şirkəti (AİŞ) Qəbələ rayonunda gürcüstanlı tərəfdaşlarla birlikdə spirtsiz və yüngül spirtli içkilərin istehsalı zavodunun tikintisini nəzərdən keçirir.
Trend.az-ın məlumatına görə, İqtisadiyyat Nazirliyindən bildirilib ki, bu, qida sənayesinin inkişafında mühüm addım olacaq:
“Bundan başqa, Gəncədə “Azərbazalt” MMC ilə birgə bazaltın çıxarılması və onun tozu və qranullarının istehsalı layihəsi həyata keçirilir. Sözügedən xammala tikinti sənayesində və digər sahələrdə yüksək tələbatın olması bu layihəni ölkə sənayesinin inkişafı üçün strateji əhəmiyyətli edir”.
