Qəbələ Rayon Statistika İdarəsi cari ilin yanvarında istehsal göstəricilərini açıqlayıb.
Azertag.az-ın məlumatına görə, sənaye müəssisələri, fərdi sahibkarlar və ev təsərrüfatları tərəfindən faktiki qiymətlərlə 15 milyon 343,1 min manatlıq məhsul istehsal olunub.
Bu, ötən ilin müvafiq dövrü ilə müqayisədə 1 milyon 72,4 min manat və ya 7,8 faiz çoxdur. Məhsulun 12,7 faizi dövlət, 87,3 faizi qeyri-dövlət sektorunun payına düşüb. İlin ilk ayında rayonda 3 milyon 218,3 min manatlıq sənaye məhsulu ixrac olunub.
İdarədən verilən məlumata görə, rayonun sənayesi əsasən mədənçıxarma, emal, elektrik enerjisi, qaz və buxar istehsalı, bölüşdürülməsi və təchizatı, su təchizatı, tullantıların təmizlənməsi və emalı sahələrini əhatə edir.
