Mərkəzi Bank tərəfindən maliyyə xidmətləri istehlakçılarının və investorların hüquqlarının müdafiəsinin möhkəmləndirilməsi çərçivəsində səyyar vətəndaş qəbullarının keçirilməsi davam edir.
Shimal.News xəbər verir ki, növbəti səyyar qəbul 7 may tarixində Xaçmaz rayonunda keçiriləcək.
Qeyd olunan tarixdə qəbul Xaçmaz, Quba, Qusar, Siyəzən, Şabran inzibati rayonlarında yaşayan vətəndaşları əhatə edəcək.
Görüşdə Mərkəzi Bankın nümayəndələri tərəfindən vətəndaşların maliyyə xidmətləri ilə bağlı müraciətlərinin araşdırılması və cavablandırılması üzrə zəruri dəstək göstəriləcək.
Müraciətləri Mərkəzi Bankın “966” Qaynar xətti və +994 55 966 19 66 “Whatsapp” nömrəsi vasitəsilə ünvanlamaq mümkündür.
