“Xaçmaz KOB evi”nə mütəxəssis tələb olunur.
Shimal.News xəbər verir ki, Azərbaycan Respublikasının Kiçik və Orta Biznesin İnkişafı Agentliyi (KOBİA) “Xaçmaz KOB evi”nin İnformasiya texnologiyaları üzrə böyük mütəxəssisi vəzifəsi üzrə işə qəbul elan edir.
Vakant vəzifə üzrə əmək funksiyaları aşağıdakı kimidir:
- Noutbuk, masaüstü kompüterlər, printerlər və digər şəbəkə avadanlıqları da daxil olmaqla bütün cihaz və proqram təminatlarının quraşdırılması, yüklənməsini və problemlərin aşkar olunaraq aradan qaldırılmasını təmin etmək;
- Kompüter şəbəkələrində yaranmış nasazlıqların aradan qaldırılması, şəbəkənin monitorinqi;
- Daxil olmuş sorğularının vaxtında və düzgün həll edilməsini təmin etmək;
- Daxil olan rəyləri və təklifləri müvafiq komanda üzvlərinə yönəltmək;
- Aidiyyəti üzrə verilən əlavə tapşırıqları icra etmək.
Namizədə dair tələblər:
- Ali təhsil tələbi: İdarəetmə ixtisasları qrupu; Humanitar, sosial və texniki ixtisaslar qrupu üzrə ali təhsil;
- PC və noutbuk kompüterlərlə, periferik və şəbəkə qurğularla ilə işləmə bacarığı;
- Əsas texniki problemləri təyin etmək və həll etmək bacarığı;
- Windows əməliyyat sistemində işləmə bacarığı;
- Microsoft Office proqramlarından istifadə təcrübəsi;
- Windows Server, Active Directory və Group Policy anlayışının olması;
- Router, Sviç və şəbəkə təhlükəsizliyi avadanlıqları, İP telefoniya sistemi, elektron poçt server sistemləri, Antivirus sistemindən istifadə təcrübəsinin olması.
Şərtlər:
Tam iş günü, iş qrafiki I-V günlər.
Namizədlər Agentliyin fəaliyyəti haqqında (Qanunvericilik, Dəstəklər, fəaliyyət istiqamətləri və s.) smb.gov.az saytından məlumat əldə edə bilərlər. CV-lər (yalnız azərbaycan dilində) mövzu yerinə “Xaçmaz KOB evi”nin İnformasiya texnologiyaları üzrə böyük mütəxəssisi” yazılmaqla 17.06.2025-ci il tarixinə qədər [email protected] ünvanına göndərilməlidir. Yalnız tələblərə cavab verən namizədlər müsahibəyə dəvət olunacaq.
