İsmayıllı İcra Hakimiyyəti “Coca-Cola”nın zavoduna inşa işləri aparmağa icazə verib. Bu barədə ShimalNews 26 fevral tarixində “Yeniavaz”a istinadən məlumat verir.
Müəssisənin Topçu kəndi ərazisində istehsalat binası tikiləcək. Onun sahəsi 16.667,59 kv.m olacaq. Burada tullantı sahəsi və zəhər təmizləyici çənin inşası da nəzərdə tutulub.
Daha öncə 1 fevral 2021-ci il tarixində İqtisadiyyat Nazirliyi ilə "Azərbaycan Coca-Cola Bottlers Limited” MMC arasında Azərbaycanda yeni zavodun tikintisi barədə Anlaşma Memorandumu imzalanmışdır.
Həmin vaxt İsmayıllı, Oğuz və ya Qəbələ rayonlarının birində tikintinin aparılacağı bildirilmişdir. Sərmayənin isə 30 milyon dollar təşkil edəcəyi açıqlanmışdır.
