Bayramqabağı quş əti şimal bazarlarında kəskin bahalaşıb.
Shimal.News-a daxil olan məlumata görə, xüsusilə hinduşkanın qiymətində ciddi artım qeydə alınıb. Onun kəsimi və təmizlənməsindən sonra 1 kiloqramı 24 manata təklif olunur. Halbuki cəmi 10 gün əvvəl eyni məhsulun kilosu 16–17 manat arasında satılırdı.
Digər quş ətlərində də qiymət artımı diqqət çəkir. Qazın 1 kiloqramı hazırda 18–20 manat arasında dəyişir. Ördək əti isə təmizlənmiş halda 14–17 manat aralığında təklif olunur.
Alıcılar bayramqabağı qiymətlərin süni şəkildə qaldırıldığını bildirir, satıcılar isə bahalaşmanı tələbatın artması və xərclərin yüksəlməsi ilə izah edirlər.
