2026-cı ildə Xəzəryanı şəhərləri birləşdirəcək dəniz kruizlərinin təşkili planlaşdırılır.
ATV-nin məlumatına görə, Rusiyaya məxsus "Nikolay Jarkov" adlı teploxod bu marşrut üzrə səfərlər edəcək.
Ekspertlər bu layihənin Azərbaycanda turizmin inkişafına ciddi təkan verəcəyini düşünürlər.
"Xəzər dənizində gəmi kruizlərinin fəaliyyəti Azərbaycan turizmini yeni mərhələyə daşıyacaq. Bakı şəhəri ilə yanaşı, Lənkəran, Neftçala və Nabran kimi ərazilər də liman şəhərlərinə çevriləcək. Bu, həm əcnəbi, həm də yerli turistlərin böyük marağına səbəb olacaq. Layihə Azərbaycanı gəmi turları sahəsində ciddi şəkildə tanıdacaq", - deyə turizm sahəsi üzrə ekspert Rəhman Quliyev bildirib.
