Cari ilin III rübündə Azərbaycan əhalisinin borclanma səviyyəsi üzrə uzunmüddətli diffuziya indeksi 2023-cü ilin eyni rübü ilə müqayisədə 10 faiz bəndi artaraq 23 % təşkil edib.
Shimal.News xəbər verir ki, bu barədə Azərbaycan Mərkəzi Bankının (AMB) “Kreditləşmə fəaliyyətinə dair sorğu”sunda bildirilib.
Respondent bankların 75 faizinin məlumatına görə əhalinin borclanma səviyyəsində dəyişiklik olmayıb. Digər 25 %-i isə orta dərəcədə artım olduğunu qeyd ediblər.
Əhalinin borclanma səviyyəsi üzrə uzunmüddətli diffuziya indeksinin ən yüksək göstəricisi isə 2022-ci ilin II rübündə (29 %) olub.
Report.az-ın məlumatına görə bu il noyabrın 1-nə Azərbaycan bank sektorunda istehlak kreditlərinin həcmi illik müqayisədə 22,6 % artaraq 8 milyard 277,8 milyon manata çatıb.
Hesabat dövründə vaxtı keçmiş istehlak kreditlərinin həcmi 256 milyon manat olub ki, bu da, 2023-cü ilin eyni dövrünə nisbətən 26,6 % çoxdur.
