Bu ilin mart ayında Novruz bayramı ilə əlaqədar Azərbaycana gələn turistlərin sayı ötən ilin eyni dövrü ilə müqayisədə az olub.
Report.аz-ın məlumatına görə, bu barədə Sahibkarlar (İşəgötürənlər) Təşkilatları Milli Konfederasiyasının tərkibində fəaliyyət göstərən “Turizm və xidmət üzrə iş Komissiyası”nın növbəti iclasında bildirilib.
Qeyd edilib ki, 2024-cü ildə ölkəyə turist axını 2023-cü illə müqayisədə 30 % çox olsa da, 2019-cu il səviyyəsinə çata bilməyib.
Komissiyanın sədr müavini Ceyhun Aşurovun sözlərinə görə, ölkəyə turist axınının artması üçün daha çox səbəblər yaratmaq lazımdır.
“Azərbaycanın 8 beynəlxalq hava limanından yalnız Bakıdakı Heydər Əliyev Beynəlxalq Aeroportu effektiv işləyir. Regionlardakı hava limanlarının inkişafı vacibdir”, - deyə C.Aşurov vurğulayıb.
