Azərbaycanın ISFA şirkəti Dağıstan Respublikasının (RF) Rusiya Kənd Təsərrüfatı Mərkəzi ilə müqavilə bağlayıb.
Shimal.News xəbər verir ki, yeni meyvə bağlarının yaradılması layihəsi çərçivəsində müzakirələr aparılıb və razılıqlar əldə olunub.
Xüsusilə, Dağıstanda tinglik yaradılması və 53 ha ərazidə alça, nektarin, gilas, zeytun və şaftalı yetişdirilməsi planlaşdırılır.
Bundan əvvəl “S.R.Plast” şirkətinin təsisçisi Ramin Seyfullayev məlumat vermişdi ki, Azərbaycan Dağıstanda yüksək texnologiyalı tinglik bağının yaradılmasına, eləcə də zeytun bağının yaradılmasına sərmayə qoymaq niyyətindədir.
İSFA Azərbaycanın ən böyük “Fermerlərə xidmət mərkəzi” olaraq Qusar rayonunda (Qusar-Xudat yolunda) yerləşir.
