Xaçmaz rayonunda şagirdlər arasında voleybol üzrə rayon birinciliyinin qalibləri final mərhələsinə vəsiqə qazanıblar. Bu haqda ShimalNews 18 yanvar tarixində məlumat verir.
Şəhidlərin xatirəsinə həsr olunmuş yarışın Xudat zona mərhələsi 1 nömrəli tam orta məktəbin idman zalında keçirilib. Turnirdə 8 ümumtəhsil məktəbinin komandaları iştirak edib.
Birinciliyin sonunda Xudat şəhər 1 nömrəli tam orta məktəbin və Yeni Həyat qəsəbə tam orta məktəbin komandaları dekabrın 18-i keçiriləcək Xaçmaz rayonu üzrə final mərhələsinə vəsiqə qazanıb.
Yarışda Xaçmaz rayonu üzrə gənclər və idman sektorunun baş məsləhətçisi Azad Şeydayev, məşqçi-müəllimlər iştirak ediblər.
