Xaçmaz rayonunda kikboksinq idman növü üzrə nümunəvi çıxışlar keçirilib. Bu haqda ShimalNews 18 noyabr tarixində Quba-Xaçmaz Regional Gənclər və İdman İdarəsinə istinadən məlumat verir.
Tədbir Pirquluoba kəndində yerləşən Şəhid Orxan Çobanov adına İdman Zalında "İdman hamı üçün" layihəsi çərçivəsində baş tutub. Məqsəd kikboksinqə uşaq və yeniyetmələrin marağının artırılması, idmanın kütləviliyinin artırılması, sağlam həyat tərzinin təbliği və asudə vaxtın səmərəli təşkilidir.
