Region Liqasında ilk mövsümünü oynayan “Şimal” futbol klubu “Qarabağ”ın keçmiş qapıçısını transfer edib. Bu haqda ShimalNews 27 yanvar tarixində “Sportinfo”ya istinadən məlumat verir.
Həmin idmançı Xaçmaz futbolunun yetirməsi, “əlcək sahibi” olan Ağaseyid Qasımovdur. Minifutbol üzrə milliyə dəvət alan kiper "Qarabağ"ın, MOİK-nın, həmçinin Azərbaycanın 17 və 19 yaşlılardan ibarət yığmalarının formasını geyinib. Cari mövsümün ilk yarısını isə "Qusar"da keçirib.
“Şimal” onunla yanaşı, "Qusar"dan hücumçu Şahlar Sədiyevi də sıralarına qatıb. Hər iki oyunçu ilə mövsümün sonunadək müqavilə bağlanıb.
