Qusar rayonunda Milli Qəhrəman Çingiz Qurbanovun xatirəsinə həsr edilmiş voleybol idman növü üzrə açıq turnir keçirilib. Bu haqda ShimalNews 30 dekabr tarixində məlumat verir.
İlk olaraq, Quba-Xaçmaz Regional Gənclər və İdman İdarəsinin rəisi Nəcəf Novruzov, Qusar Olimpiya İdman Kompleksinin direktoru Elşən Məmmədov və Qusar rayonu üzrə gənclər və idman sektorunun müdiri Emil Əmirmətov Milli Qəhrəmanın və digər şəhidlərin məzarlarını ziyarət edib, gül dəstələri qoyublar.
Daha sonra gənclərin gərgin mübarizəsi başlayıb. Nəticədə qalib komandalar Quba-Xaçmaz Regional Gənclər və İdman İdarəsi tərəfindən müvafiq dərəcəli diplom, medal və kubokla təltif olunublar.
