Qusar Olimpiya İdman Kompleksində “Üzməyi öyrənək” layihəsinin növbəti mərhələsi start götürüb. Bu haqda ShimalNews 8 aprel tarixində məlumat verir.
Tədbir aprelin 8-i Gənclər və İdman Nazirliyi ilə Azərbaycan Üzgüçülük Federasiyası tərəfindən təşkil olunub. Sayca dördüncü mərhələyə Qusar şəhər 1 saylı və 3 saylı tam orta məktəblərin I – V siniflərində təhsil alan 100-dən çox şagird qatılıb.
Uşaqlar kompleksin məşqçiləri İlqar İsrafilov və Marina Murtuzevanın rəhbərliyi altında hazırlıq prosesində üzgüçülüyün sirlərinə yiyələnirlər. Bir ay ərzində (12 məşq) iştirakçılar üçün yarış təşkil olunacaq.
Məşqlər ödənişsiz keçirilir.
[video width="1270" height="720" mp4="https://shimal.news/storage/photos/2024/04/GJq-5Rl6vjixuwAbAMiMpCdg758bbmdjAAAF.mp4"][/video]
