Qusar rayonu üzrə gənclər və idman sektorunun inzibati binasında Quba-Xaçmaz Regional Gənclər və İdman İdarəsi, Quba-Xaçmaz Regional Mədəniyyət İdarəsi və Mədəniyyət İşçiləri Həmkarlar İttifaqı Qusar rayon Komitəsinin birgə təşkilatçılığı ilə stolüstü tennis idman növü üzrə rayon turniri keçirilib.
Shimal.News xəbər verir ki, turnirdə 27 nəfər idmançı iştirak edib.
Yarışda Davud Aslanov I yer , Kiçik və Orta Biznesin inkişafı Agentliyinin Qusar rayonu üzrə nümayəndəsi Emin Orucov II yer və Qusar rayonu üzrə gənclər və idman sektorunun baş məsləhətçisi Ramin Məcidov III yerə layiq görülüb.
Qaliblər Quba-Xaçmaz Regional Gənclər və İdman İdarəsinin müvafiq dərəcəli diplom və medalları ilə təltif olunublar.
