Qusar Olimpiya İdman Kompleksində "Üzməyi öyrənək" layihəsinin növbəti mərhələsi start götürür. Bu haqda ShimalNews 6 aprel tarixində məlumat verir.
Tədbir aprelin 8-i Gənclər və İdman Nazirliyi ilə Azərbaycan Üzgüçülük Federasiyası tərəfindən təşkil olunacaq. Sayca dördüncü mərhələyə Qusar şəhər 1 saylı və 3 saylı tam orta məktəblərin I - V siniflərində təhsil alan 100-dən çox şagird qatılacaq.
Gənclər kompleksin məşqçiləri İlqar İsrafilov və Marina Murtuzevanın rəhbərliyi altında hazırlıq prosesində üzgüçülüyün sirlərinə yiyələnəcəklər. Məşqlər ödənişsiz olacaq.
Bir ay ərzində 12 məşqin yekununda layihə iştirakçıları üçün yarış təşkil olunacaq.
