Qubada “Sağlam məktəbli spartakiadası – qız məktəbliləri arasında idman yarışlarının təşkili" layihəsinin açılış mərasimi keçirilib. Bu haqda ShimalNews 12 yanvar tarixində məlumat verir.
Tədbir 7 nömrəli tam orta məktəbdə təşkil edilib. Layihə rəhbəri Müşfiq Rəsulov bildirib ki, voleybol üzrə yarışlar 7-8-9-cu siniflərdə təhsil alan qızlar arasında Quba rayonunun Alekseyevka kənd tam orta məktəbində, 3*3 basketbol yarışları Quba rayonunun Zərdabi qəsəbə tam orta məktəbində, stolüstü tennis üzrə yarışlar isə Quba rayonu Məckə-Xacə kənd tam orta məktəbində təşkil olunacaq. Ümumilikdə yarışlarda 128 nəfər qız şagirdin iştirakı planlaşdırılır.
Layihənin əsas məqsədi qızlar arasında idmanın, sağlam həyat tərzinin təbliğinə dəstək verməkdir.
