“İlk dəfə təmsil etdiyimiz şəhərdə oynayacağıq. Təbii ki, hamımız həyəcanlıyıq”.
Shimal.News xəbər verir ki, bu fikirləri “Quba” basketbol klubunun baş məşqçisi Şəhriyar Əskərov deyib.
Təcrübəli mütəxəssis bildirib ki, rəqib komanda analiz edilib: “Liqada zəif komanda yoxdur, hamısı yaxşıdır. Milli komandaların oyunlarına görə liqaya fasilə verilmişdi. Bu fasilədən səmərəli istifadə etdiyimizi düşünürəm. Yoxlama görüşü də keçirdik. Oyunçularım yaxşı hazırlaşıb. Həm əvvəlki turlardakı çatışmazlıqları, səhvlərimizi analiz etmişik, həm də rəqiblərimizi. Çalışacağıq ki, “Sumqayıt”la görüşdə qalib gələk. Ən yaxşısı üçün çalışacağıq”.
Qeyd edək ki, “Quba” – “Sumqayıt” matçı bu gün saat 17:30-da start götürəcək.
