Beynəlxalq dərəcəli qrosmeyster Zeynəb Məmmədyarova Qubada yerləşən internat məktəbinin qonağı olub. Bu haqda 15 aprel tarixində ShimalNews “Mammadyarovlar” sahmat məktəbinə istinadən xəbər verir.
Şahmat Federasiyasının Qadın və Sosial komissiyasının sədri valideyn himayəsindən məhrum olmuş uşaqlarla görüşüb. Zeynəb Məmmədyarova insanın əqli və mənəvi inkişafında şahmatın rolu haqqında danışıb.
Qrosmeyster uşaqların asudə vaxtlarının səmərəli keçirilməsi məqsədilə məktəbdə şahmat dərslərinin keçiriləcəyini bildirib və məktəbə şahmatlar hədiyyə edib.
