Qubada şagird qızlar arasında keçirilən voleybol üzrə turnirə yekun vurulub. Bu haqda ShimalNews 16 mart tarixində məlumat verir.
Alekseyevka kənd tam orta məktəbində baş tutan idman tədbirində Alekseyevka, Dağlı, Digah, Hacıhüseynli kənd tam orta, Qaraçay qəsəbə tam orta, Quba şəhər 2 nömrəli məktəb liseyin, Quba şəhər 7 nömrəli tam orta məktəbin və Quba Fizika Riyaziyyat və İnformatika Təmayüllü Liseyin şagirdlərindən ibarət 8 komanda iştirak edib. Turnirin qalibi Fizika, Riyaziyyat və İnformatika Təmayüllü Liseyin komandası olub. Alekseyevka kənd tam orta məktəbinin komandası 2-ci, Quba rayonu Hacıhüseynli kənd tam orta məktəbinin komandası isə 3-cü yerə sahib olub.
Qalib və mükafatçılar kubok, medal və diplomlarla təltif olunublar.
