Futbol üzrə ölkə çempionatının 2-ci liqasında 11-ci turun ən sürpriz nəticəsi iddialılardan “Hypers Guba”nın səfərdə “Dinamo”ya böyük hesabla uduzmasıdır.
Football-plus.az sürpriz məğlubiyyətlə bağlı “Hypers Quba”nın prezidenti Ayaz Abdullayevin fikirlərini öyrənib:
“Əlbəttə, müəyyən çətinliklərimiz oldu və bəzi adamlarla yollarımızı ayırmaq məcburiyyətində qaldıq. Bunun nəticəsində vacib xallar itirdik. Amma biz geriyə yox, irəli baxırıq. İkinci dövrə başlayandan və “transfer pəncərəsi” açılandan sonra tam fərqli bir “Hypers Guba” görəcəksinız. Komandamız üçün inanılmaz dərəcədə vacib transferlər üzərində işləyirik. Hədəflərimiz böyükdür və tezliklə bunları ictimaiyyətlə paylaşacağıq. İnanırıq ki, ikinci dövrədə “Hypers Guba” tam başqa bir səviyyəyə yüksələcək. Bizim yolumuz daim irəliyədir. Problemlər nə qədər böyük olsa da, onları aradan qaldırıb daha uğurlu nəticələrə köklənəcəyik. Komandamıza və planlarımıza güvənirik”.
