Ölkə çempionatının 2-ci liqasında mübarizə aparan “Hypers Guba” bu gün növbəti dəfə baş məşqçisi ilə yolları ayırıb.
Football-plus.az-ın məlumatına görə, Quba təmsilçisi 9-cu turdan sonra Vüqar Nadirovun yerinə təyin etdiyi Zaur Hidayətovla sağollaşıb. Buna səbəb 11-ci turda “Dinamo”ya 1:4 hesablı məğlubiyyət olub. Hidayətovun debüt oyununda isə komanda “Qusar”ı məğlub etmişdi - 6:0.
Xatırladaq ki, bundan əvvəl “Sumqayıt”ın akademiyasında seleksiyaçı kimi fəaliyyət göstərən Hidayətov noyabrın 22-dən “Hypers Guba”nı çalışdırırdı.
