Futbol üzrə ölkə çempionatının 2-ci liqasında 10-cu turun oyunları keçirilir. “Şahdağ Qusar” evdə “Ağdaş”ı darmadağın etməklə (5:0) qələbə seriyasını 10-a çatdırdı. Qusar klubu ən yaxın izləyici “Şəfa”nı 2 xal üstələməklə turnir cədvəlinə başçılıq edir.
Maraqlıdır, komandanın uğurlarının sirri nədədir?
Bu barədə “Şahdağ Qusar”ın futbolçusu Ruslan Hacıyev Football-plus.аz saytına danışıb.
“Komandada hər şey tam yüksək səviyyədədir. Düzdü, hər oyun vacibdir. Hər turdakı oyunumuza qələbə üçün çıxırıq. Uğurumuzun sirri mehriban kollektivin, işini bilən rəhbərliyin olmasıdır. Baş məşqçimiz də məşqlərdə işinə diqqətlə yanaşır, bizi hərtərəfli oyuna kökləyir. Fikrimiz 13-də 13 etməkdir. Yəni qış fasiləsinə qədər bütün oyunlara qələbə üçün çıxacağıq. Bunu bacaracaq güclü heyətə malikik. Bir çoxumuz premyer-liqada oynamış oyunçularıq. Buna görə bizim üçün elə də çətin olmur. Hədəfimiz 1-ci liqaya yüksəlməkdir. Qarşıda “Şəfa” ilə oyunumuz var. Düşünürəm ki, ən çətin oyunlarımızdan birini keçirəcəyik”.
