Şair Nəcməddin oğlu Həsənov 1936-cı ildə Qusar şəhərində anadan olub.
Həsənov Qusar şəhər 2 saylı orta məktəbini bitirəndən sonra, 1958-ci ildə indiki Azərbaycan Texniki Universitetini yol nəqliyyatı mühəndisi ixtisası üzrə başa vurub. Həmin ildən o, Azərbaycan SSR Tikinti Nazirliyinin müxtəlif təşkilatlarında briqadir, mühəndis, baş mühəndis, nazirliyin texniki idarəsinin rəis müavini, trestin baş mühəndisi, nazirliyin istehsalat idarəsinin rəisi və digər vəzifələrdə çalışmışdır.
Şair Həsənov 1977-1980-ci illərdə Azərbaycan SSR Kənd Tikintisi Nazirinin birinci müavini vəzifəsində çalışıb, 1980-ci ildə isə respublika Baş Kolxoz və Sovxozlararası Tikinti İdarəsinin rəisi təyin edilmişdir.
Həsənov 1983-1986-cı illərdə Azərbaycan SSR Tikinti naziri, 1986-1989-cu illərdə Azərbaycan SSR Dövlət Aqrar Sənaye Komitəinin sədr muavini işləmişdir. O, 1990-1999-cu illərdə Tikinti Materialları Sənayesi Naziri, 1999-2001-ci illərdə Mənzil-Kommunal Təsərrüfatı Komitəsinin sədri idi. 2001-ci ilin aprel ayından
Azərbaycan Respublikası Dövlət Tikinti və Arxitektura Komitəsinin sədri vəzifəsinə təyin olunmuşdur.
O, Ali Sovetin 10-cu, 11-ci və Azərbaycan Respublikasının 12-ci çağırış Ali Sovetinin deputatı seçilmişdir.
2006-cı ildə Azərbaycan Respublikası Dövlət Tikinti və Arxitektura Komitəsi ləğv olunduqdan sonra Həsənov təqaüdə çıxıb, 2014-cü ildən isə Prezident təqaüdçüsü olub. O, 1995-ci ildən “Yeni Azərbaycan” Partiyasının üzvü və Dövlət Tikinti və Arxitektura Komitəsi üzrə ərazi Partiya təşkilatının sədri idi. Həsənov 2006-cı ildən “Samur” Ləzgi Milli Mərkəzinə rəhbərlik edib.
Şair Həsənov “Şərəf nişanı”, “Qırmızı Əmək Bayrağı” ordenləri ilə təltif olunub, həmçinin respublikanın Əməkdar mühəndisi fəxri adına layiq görülüb.
Şair Həsənov 2017-ci ildə vəfat edib.
İstinad edilən mənbələr:
