7 il bundan əvvəl “Gilavar” İdman Klubunun alpinistləri Quba rayonunun Xınalıq kəndindən Tufandağ istiqamətində yola düşərək həlak olublar.
Shimal.News xatırladır ki, Namin Bünyatzadə, Babur Hüseynov və Fəridə Cəbrayılzadə adlı alpinistlərlə sonuncu əlaqə 2017-ci il 24 dekabrda axşam saatlarında saxlanılıb. Sonra onlar itkin düşüblər.
Qrupun üzvlərindən olan 27 yaşlı Babur Hüseynov Daşkənddə anadan olub. O, Daxili İşlər Nazirliyinin Mətbuat Xidmətinin əməkdaşı idi. 2017-ci ildə Gürcüstanda yerləşən Kazbek dağına (5047 m.) çıxıb. Bir çox hikinglərə rəhbərlik edib. 2016-cı ilin dekabr ayında Şahdağ platosunda yerləşən "İlham" zirvəsinə (4042 metr) dostları ilə birgə yürüş edib. 34 yaşlı Namin Bünyatov da həmin yürüşdə iştirak edib. Şaxtalı hava şəraitinə baxmayaraq onlar zirvəyə çıxmağı bacarıblar. Namin sənaye alpinizmi ilə məşğul olub. O, xarici şirkətlərin birində yüksəklikdə yerləşən elektrik xətlərinin çəkilişi və quraşdırılması üzrə çalışıb.
Digər alpinist 27 yaşlı Fəridə Cəbrayılzadə müxtəlif alpinizm yarışlarında iştirak edib, velosiped idman növü ilə məşğul olub.
