Bu gün şəhid Rahim Mikayılovun dünyaya göz açdığı gündür.
Shimal.News xəbər verir ki, Rahim Qalib oğlu Mikayılov 1990-cı il sentyabrın 3-də Quba rayonunun İkinci Nügədi kəndində anadan olub.
O, 2007-ci ildə İkinci Nügədi kənd 3 saylı tam orta məktəbin məzunu olub. Daha sonra Gəncə şəhərində yerləşən Azərbaycan Texnologiya Universitetində ali təhsil alıb.
Ali təhsilini başa vurduqdan sonra həyatını hərbi sahəyə həsr edib. R.Mikayilov qüsursuz xidməti ilə baş leytenant ali hərbi rütbəsinə yüksəlib.
Baş leytenant Murov silsiləsindəki zirvələr uğrunda gedən döyüşlərdə şəhidlik zirvəsinə ucalıb. Şəhid olduqdan 118 güm sonra nəşi tapılıb və torpağa tapşırılıb.
Evli olan Rahim şəhid olduqdan sonra oğlu Əhməd adlı oğlu dünyaya gəlib. Rahim Mikayılov ölümündən sonra “Vətən uğrunda”, “Kəlbəcərin azad olunmasına görə” medalları və 3-cü dərəcəli “Rəşadət” ordeni ilə təltif edilib.
Onu da qeyd edək ki, bu gün saat 12:00 da şəhidin məzarı ziyarət olunacaq.
