5 may Azərbaycanda “Xalçaçı Günü” kimi qeyd olunur. Həmin tarix 2017-ci ildə “Azərxalça” Açıq Səhmdar Cəmiyyətinin yaranması ilə bağlıdır. Bununla əlaqədar sizə qubalı xalçaçı Gülnənə Mustafayeva haqqında məlumat veririk.
Azərbaycan xalça ustası Gülnənə Məhəmməd qızı Mustafayeva 5 iyun 1915-ci ildə Quba rayonunun Afurca kəndində anadan olub.
Gülnənə Mustafayeva 1943-1960-cı illərdə Qonaqkənd xalça artelində toxucu, sex müdiri, artelin sədri vəzifələrində, 1960-1968-ci illərdə isə həmin kənddəki “Qumaş” xalça fabrikində çalışmışdır.
Xalçaçı 1950-ci ildə SSRİ Dövlət mükafatı laureatı olub. Həmçinin dəfələrlə Qonaqkəndin “Qumaş” xalça fabrikinin sərgilərdə xalçaları mükafatlara layiq görülmüşdür.
Gülnənə Mustafayevanın iştirakı ilə toxunmuş “İ.V.Stalin” xalısı yüksək bədii keyfiyyətə malikdir. Onun toxuduğu “Qolluçiçi”, “Açgülçiçi”, “Herat-Pirəbədil” və digər çeşidli xalçalar Azərbaycanın müxtəlif muzeylərində saxlanılır.
İstinad edilən mənbələr:
