Bir çox bölgələrdə qaz xəttinin olmaması sakinləri alternativ yollarla evlərini qızdırmağa məcbur edir.
Xəzər Xəbər TV-nin məlumatına görə, Zaqatalanın Şimal-Qərb massivində 800-dən çox təsərrüfat yaşayır, lakin ərazi hələ də qazlaşdırılmayıb. Odunun bahalaşması fonunda sakinlər qışda əsasən fındıq qabığı yandırırlar. Onların sözlərinə görə, bir mövsümdə isitmə xərcləri 1000 manatı keçir.
Fındıq qabığı ilə qızdırılan evlərdən qalxan tüstü isə həm ev sahiblərini, həm də qonşuları narahat edir.
Qaz İstehsalat Birliyi məsələ ilə bağlı açıqlama verməyib.
