Zaqatalanın mərkəzində 3 avtomobil toqquşub.
Shimal.News xəbər verir ki, hadisə “Dəniz” marketin yanında baş verib.
Şahidlərin sözlərinə görə, “Mercedes 190” markalı avtomobil əvvəlcə sərnişin daşıyan “Mercedes-Vito”, daha sonra “BMW” ilə toqquşub.
Nəticədə 3 nəfər müxtəlif dərəcəli bədən xəsarətləri alıb. Yaralılar Zaqatala Rayon Mərkəzi Xəstəxanasının cərrahiyyə korpusuna yerləşdirilib. Həkimlər yaralıların vəziyyətini orta-ağır qiymətləndiriblər.
Faktla bağlı Polis Şöbəsində araşdırma başlanılıb.
