Zaqatalada müğənni yol-nəqliyyat hadisəsində xəsarət alıb.
Shimal.News-un əldə etdiyi məlumata görə, hadisə Qax-Zaqatala avtomobil yolunun rayonun Çobankol kəndi ərazisindən keçən hissəsində baş verib.
"Mercedes" markalı avtomobilin sürücüsü 34 yaşlı Vüqar Beydulla oğlu İsgəndərov idarəetməni itirib. Nəticədə nəqliyyat vasitəsi yol kənarına aşıb və iki yerə bölünüb. Sürücü isə Zaqatala Rayon Mərkəzi Xəstəxanasına yerləşdirilib.
Vüqar İsgəndərov Zaqatala rayon Yeni Suvagil kənd sakinidir. O, bölgədə müğənni kimi fəaliyyət göstərir.
View this post on Instagram
