Xaçmaz rayonunun Xudat şəhəri, Bakıxanov küçəsində yerləşən rabitə dirəyinin qəzalı vəziyyətdə olması sakinlərin narahatlığına səbəb olub.
Shimal.News-a danışan sakinlərin sözlərinə görə, uzun müddətdir əyilmiş vəziyyətdə qalan dirək hər an aşmaq təhlükəsi yaradır.
Sakinlər bildirirlər ki, taxta rabitə dirəyi ciddi şəkildə yan tərəfə əyilib. Dirəyin dayağı zəifləyib və yaxınlıqda yerləşən hasar, qapı və kommunikasiya xətlərinin üzərinə aşmaq riski daşıyır.
"Məsələ ilə bağlı aidiyyəti qurumlara müraciət etsək də, heç bir tədbir görülməyib. Yəqin ki, dirəyin kiminsə və ya nəyinsə üzərinə aşmasını gözləyirlər", - deyə sakinlər qeyd ediblər.
Ərazidə insanların hərəkət etdiyini nəzərə alsaq, mümkün qəza həm əmlaka, həm də vətəndaşların sağlamlığına zərər vura bilər.
