Güclü qar səbəbindən Quba–Xınalıq yolu müvəqqəti olaraq bağlanıb.
Quba 5 saylı Yol İstismar İdarəsinin əməkdaşları səhər saatlarından etibarən yollarda təmizlik işlərinə başlasalar da, Xınalığa gedən istiqamətdə hərəkəti bərpa etmək hələlik mümkün olmayıb.
Xınalıq kəndinin icra nümayəndəsi Nəsimi Məmmədov bildirib ki, yolun günün sonunadək açılması üçün işlər davam etdirilir. Kənd ərazisinə 45 santimetrədək qar yağıb.
