Birinci Qarabağ müharibəsində itkin düşmüş hesab edilən, şəxsiyyəti müəyyənləşdirilən şəhid Yarməmməd Maqsud oğlu Nuriyev bu gün doğulduğu Xaçmaz rayonunun Köhnə Xudat kənd qəbiristanlığında izdihamla dəfn edilib.
Shimal.News xəbər verir ki, Yarməmməd Nuriyev 1961-ci il dekabrın 29-da Köhnə Xudat kəndində anadan olub. O, 1993-cü ilin dekabrında Cəbrayıl istiqamətində gedən ağır döyüşlər zamanı itkin düşüb. Uzun illər taleyindən xəbər alınmasa da, aparılan eyniləşdirmə işləri nəticəsində onun şəhid olduğu müəyyən edilib.
Şəhidin nəşi 33 ildən sonra doğma yurduna gətirilərək ailə üzvlərinin, yaxınlarının, rayon ictimaiyyətinin, şəhid ailələrinin, qazilərin və dövlət rəsmilərinin iştirakı ilə torpağa tapşırılıb.
