Xaçmazın Şöhrət Cəlilov küçəsinin sakinləri uzun illərdir həll olunmayan problemlərdən şikayətçidirlər.
Shimal.News -a məlumat verən sakinlər bildiriblər ki, təxminən 15 il öncə salınan bu məhəlləyə indiyə qədər asfalt döşənməyib.
Hazırda küçədə minə yaxın insan yaşayır və sakinlər xüsusilə qışda keçilməz palçıq, yayda isə toz səbəbindən ciddi çətinliklərlə üzləşirlər.
Sakinlərin dediyinə görə, küçədəki kommunikasiya xətləri də qəzalı vəziyyətdədir və bu, gündəlik həyatlarına əlavə narahatlıqlar yaradır.
Şöhrət Cəlilov küçəsinin sakinləri aidiyyəti qurumlara müraciət edərək, yolların təmir edilməsini və müasir standartlara uyğun asfaltlanmasını tələb edirlər.
Sakinlərin şikayət məktubu redaksiyamıza göndərilib və məsələnin həlli ilə bağlı rəsmi qurumların diqqətini çəkmək məqsədilə ictimailəşdirilib.
Bu problemin yaxın zamanda həll olunub-olunmayacağı barədə aidiyyəti qurumlardan açıqlama gözlənilir.
