Xaçmaz Rayon İcra Hakimiyyəti avtomobil yollarının əsaslı təmiri üçün tender keçirib.
Shimal.News Antiinhisar və İstehlak Bazarına Nəzarət Dövlət Xidmətinə istinadən xəbər verir ki, müsabiqənin qalibi “İS.M.M.” MMC olub. Həmin şirkətə 1.351.385,25 manat pul ayıracaq.
Məlumat üçün bildirək ki, “İS.M.M.” MMC-nin qanuni təmsilçisi Nadir Bilman oğlu Xudiyevdir.
Şirkət ötən il Gədəbəy şəhərində yolların əsaslı təmiri ilə bağlı 925.905,34 manat büdcəsi olan tenderi udub. Cari ildə bir daha Gədəbəy şəhərində yolların əsaslı təmiri işlərinin 713.456 manat satın alınması müqaviləsini imzalayıb.
Bundan savayı bu il həmin şirkət Salyan Rayon İcra Hakimiyyətinin sifarişi ilə yolların əsaslı təmiri üçün 766.767 manat vəsait alıb. Daha sonra Şabran Rayon İcra Hakimiyyətinin sifarişi ilə Şabran şəhərinin yollarını 350.385 manata təmir edib.
