Xaçmaz rayonunun sakinləri Qımılqışlaq yolunun uzun müddətdir bərbad vəziyyətdə olmasından şikayətçidirlər.
Shimal.News xəbər verir ki, sakinlərin sözlərinə görə, bu yolun təmiri üçün illər öncə vədlər verilsə də, problem hələ də həll olunmayıb.
2013-cü ilin may ayında təmir olunaraq istifadəyə verilən yol, cəmi bir il keçməmiş bərbad vəziyyətə düşüb. İndi isə artıq 2024-cü il başa çatmaq üzrədir, lakin yolun yenidən təmiri və ya bərpası ilə bağlı heç bir tədbir görülmür.
"Maşınıma heyfim gəlsə də hər gün bu yoldan keçmək məcburiyyətindəyəm. Hətta təcili yardım çağırıldıqda, kəndin adını eşidib gəlməkdən çəkinir”, - deyə sakinlərdən biri bildirib.
Vətəndaşlar aidiyyəti qurumlardan bu problemin tezliklə həllini tapmasını və Qımılqışlaq yolunun təmir olunmasını tələb edirlər.
Посмотреть эту публикацию в Instagram
