Xaçmaz şəhərinin Seyid Əzim Şirvani küçəsində təhlükəli vəziyyət yaranıb. Yolun bəzi hissələrində asfalt qatında qırışıqlıq, maneələr əmələ gəlib.
Bu barədə Shimal.News-a yerli sakinlər məlumat veriblər:
"S.Ə.Şirvani küçəsindən keçmək təhlükəlidir. Yolda çuxurlar, maneələr əmələ gəlib. Asvalt örtüyü qırışaraq maneələr yaradıb. Xüsusilə Abbas Səhhət küçəsi ilə kəsişmə ətrafında vəziyyət çox acınacaqlıdır. Yolda kanalizasiya baxış quyularının da qapaqları asvalt səviyyəsindən xeyli aşağıdır. Birindən avtomobili qaçırırsan, o birinə düşməkdən qaçmaq olmur. Xüsusilə gecə saatlarında işıqlandırma olmadığından avtomobillər çuxurlara düşür, ziyan dəyir. İnsanlar da belə çuxurlara düşürərək yıxılırlar, burxulma halları olur. Aidiyyəti qurumları həmin küçədə yaranan problemi həll etməyə çağırırıq, bəlkə insafa gələrlər."
